WONG SUGIH KARO WONG MELARAT KUWI PANCEN BEDO,
Mangkat iring kemanten wae wis ketok bedo ......
Ibu-ibu nek iring-iring kemanten yo dibedak-bedakno, sing sugih bolo sugih, sing melarat yo dikelumpukne karo melarate.
Sing
sugih-sugih ditumpakne mobil sing apik-apik, mobil mewah-mewah,
bangsane mobil Jenio, Pajero, Hamer, Lenkruser, Portuner, Penter, Inova,
Avansa, Senia, Merci, Epivi, Cervi, Terios, Rus, Honda Jes, iku sing
sugih-sugih. Sing numpak, mba Ika, mba Sinta, mba Widia, mba Yanti. mba
Tuti, mba Mike, mba Ema, mba Erna, mba Tasya, mba Sindi, mba Alda, mba
Risma, mba Siska, mba Susi, mba Lili ....
Tapi nek sing
balane … Sundari, Ratemi, Supiah, Tasmining, Rumijah, Paenah, katoyah,
Sumiati, Sumiatun, yo kol bak (kol ompreng) iku tumpakane, nek perlu
diusungi nganggo Tossa (motor roda 3 seng mburi enek bak'e).
Pancen
ra podo .., sangune wae ra podo, sing sugih-sugih numpak mobil mewah,
sangune yo enak-enak ... buah Pir, Apel, Jeruk, Duren, Duku, Kelengkeng,
Anggur …, ngombene yo Fanta, Koka-kola, Sprait, Maison, karo Pokari
swit ..., Iku wong sugih, lha sing melarat-melarat numpak kol bak
sangune yo Ote-Ote, Onde-Onde, Lemper, gedang goreng, tahu isi, Tempe
mbus, Lomboke wakeh ..., ngombene Es Teh diwadahi plastik, taleni cokot
pojokane.
Tekan gon kemanten yo bedo, sing mudun seko
mobil apik yo ketok gandes, luwes, lemes, pantes, pancen wong sugih,
mudun nganggo sandal jinjit dowo koyo artis, dengkule diciutno, bokonge
dijentitno, susune diunjukno, mentek-mentek, gelungane rambut gede podo
koyo bane mobil praoto, mudun nyangklek tas karo nyekeli dompet, mlakune
tit ... njentit ... jentit ... njentit ... njentit …, mlaku karo pamer
gelang nganti iso muni gelange krimpying ..., krimpying ..., krimpying
..., gela-gelo, lambene pencap pencep.
Lha sing melarat
mudun seko kol bak wis ora rupo menungso, lambene nyonyor kabeh, mergo
ntek ote-ote enem lomboke pat likur, mongah-mongah lambene njedir kabeh,
jontor dewe-dewe, rambute mosak-masek keno angin, keringet meruntus
jrojosan sesek-sesekan nang kol bak, celake ndelewer tekan pipi, lipstik
munggah nang mripat, mudun seko kol bak sandal jepit nganti iso kleru,
sing tengen sandale rupane abang, sing kiwe rupane kuning, ngono kui
esih dikongkon nyangking kerdus ....
Hehehe ….
*CUPLIKAN Pengajian KH Anwar Zahid - Bojonegoro
BAGIKAN JIKA SUKA
ketahui info Jatim, sukai Komunitas Orang Jawa Timur
_____
(surat elektronik | anonim)
Web Developer dan Design Grafis
4 jam yang lalu
0 Komentar